Skilmálar

Skilafrestur

Hjá Coral er alltaf 30 daga skilafrestur og þá líka hægt að fá endurgreitt. Athugið útsöluvörum fæst ekki skilað.

Vörum þarf að skila í upprunalegu ástandi, eðlilega er ekki hægt að skila notuðum vörum eða vörum sem lykta illa t.d eftir reykingar. 

Ef þú vilt skila vöru sem þú keyptir hjá okkur er best að hafa samband við okkur sem fyrst í gegnum Facebook eða í tölvupósti og við sendum ykkur allar upplýsingar.

Ef þú býrð úti á landi eða hefur ekki tök á að koma með vöruna til okkar, þá þarft þú að senda okkur vöruna í pósti á þinn kostnað. Við sendum þér svo nýja vöru á okkar kostnað.

Ef svo óheppilega vill til að vara reynist gölluð er best að hafa samband við okkur sem fyrst og við útvegum nýja vöru eins fljótt og mögulegt er.

Senda skal skilavöru að andvirði 3.000 kr eða hærra sem rekjanlegan póst.

Fljótlegast er að hafa samband við okkur á Facebook eða með því að senda tölvupóst á coral@coral.is.

Endurgreiðslur

Vörur eru endurgreiddar með sama máta og upphaflega var greitt með. Endurgreiðslur eru framkvæmdar þegar skilavara hefur borist. Ekki er hægt að taka staðfestingu á sendingarnúmeri frá Póstinum sem staðfestingu á vöruskilum. 

Athugið að sendingarkostnaður er ekki endurgreiddur.

Millifærslur og staðgreiðsla

Ef greitt er með millifærslu eða staðgreiðslu í peningum, þá millifærum við til baka eftir að hafa fengið upplýsingar um millifærslureikning. Sendu okkur tölvupóst með öllum upplýsingum og við afgreiðum millifærsluna í næsta virka dag.

Greiðslukort

Endurgreiðslur inn á greiðslukort eru framkvæmdar næsta virka dag. Ef um er að ræða debitkort, þá gæti þurft að millifæra í einstaka tilfellum. Við verðum þá í sambandi við þig til að fá viðeigandi upplýsingar.

Netgiro eða Pei

Þegar Netgiro eða Pei hefur verið notað til að greiða fyrir vörur, þá fellum við niður kröfuna eða lækkum, eftir því sem á við. Niðurfellingar er hægt að framkvæma hvenær sem er áður en krafa  fellur á eindaga, en lækkanir er aðeins hægt að framkvæma á virkum dögum.

Ef þú ert að skila vöru innan 14 daga frá pöntun, sem greidd var með Netgiro / Pei, þá er best að láta okkur vita í síðasta lagi kl. 14 síðasta virka dag fyrir eindaga svo það sé hægt að fella niður eða lækka kröfu án dráttarvaxta hjá Netgiro / Pei. Ef meira en 14 dagar eru liðnir frá því að þú pantaðir og þú hefur greitt kröfuna, þá endurgreiðum við þér með millifærslu.

Athugið að Coral.is tekur ekki ábyrgð á dráttarvöxtum sem kunna að vera fallnar á  kröfur frá þriðja aðila (t.d. Netgiro / Pei).

Sendingarupplýsingar

Sendingarmöguleikar eru eftirfarandi:

  • Bréfapóstur (almennt bréf, 1-3 virkir dagar eftir að sent er) 
  • Næsta pósthús (1-2 virkir dagar eftir að sent er) - 0 kr. ef pantað er fyrir meira en 9.900 kr.
  • Pakki heim að dyrum (1-3 virkir dagar eftir að sent er).

Ef að pöntunin þín er að andvirði minna en 2.999 kr og kemst inn um kemst inn um lúgu færðu upp valkostinn að senda sem almennt bréf. Bréf eru ekki skráð í kerfið hjá Póstinum en koma til þín beinustu leið heim með póstinum inn um lúguna í kringum hádegi 1-3 virkum dögum eftir að sent er, yfirleitt 1-2 dögum. Athugið að bréfapóstur er ótryggður og órekjanlegur.

Sendingar sem fara beint á pósthús taka 1-2 virka daga að berast þangað - yfirleitt aðeins einn dag - sendingin er skráð og þú færð SMS um leið og pakkinn er skannaður inn á pósthúsinu næst þér.

Pakki heim að dyrum kemur með heimkeyrslu Póstsins og er hún þá keyrð út milli 17 og 22 kvöldið eftir að við sendum af stað til þín og þarf þá einhver að vera heima til að taka á móti sendingunni. Þú færð sms frá Póstinum daginn sem sendingin þín fer í heimkeyrslu ef þú skráir GSM númerið þitt hjá okkur þegar þú pantar. Ef enginn er heima til að taka við sendingunni þá fer hún beint á næsta pósthús og er þá tilbúin til afhendingar þar morguninn eftir.

Einnig er hægt að velja um að sækja eftir samkomulagi pöntunina þína til okkar og þá finnum við tíma sem hentar.

Sendingar sem fara beint á pósthús eða í heimkeyrslu eru skráðar sendingar, rekjanlegar og í ábyrgð hjá Póstinum.

Við tökum ekki ábyrgð á þeim sendingum sem fara sem bréf eftir að þær fara frá okkur.

Ef gengið er frá pöntun fyrir klukkan 12:00 á virkum degi ætti sendingin þín að fara af stað frá okkur samdægurs og í flestum tilfellum er hún komin til þín 1-2 dögum seinna.

Sem dæmi - ef þú pantar fyrir kl 12:00 á þriðjudegi er sendingin mjög líklega komin til þín strax á fimmtudegi, annars föstudegi.

Þetta eru viðmið en að sjálfsögðu geta orðið undantekningar hér á og sendingar tekið lengri tíma en við leggjum okkur allar fram við að koma öllum sendingum áleiðis til Póstsins eins fljótt og mögulegt er.

Við viljum benda á frábæra þjónustu Póstsins inni á postur.is, þar sem hægt er fara á netspjall og athuga hjá þjónustufulltrúa hvort að sending sé á pósthúsi. Athugið þó að sendingar sem sendar eru sem almennt bréf (sem komast inn um lúgu) eru ekki skráðar í kerfið nema þær komist síðan ekki inn um lúguna, þá fer sendingin til baka á pósthúsið og er þá skráð þar í kerfið seinni partinn (yfirleitt um kl 15) og þá er hægt að nálgast sendinguna þar.

Greiðslufyrirkomulag

Þegar þú gengur frá pöntun getur þú valið um að greiða með millifærslu, debetkorti, kreditkorti, Aur,  Pei eða Netgíró.

Þegar greitt er með Pei eða Netgíró sendum við pöntunina strax af stað til þín líkt og venjulega en þú færð greiðsluseðil á heimabankann þinn sem þarf að greiða innan 14 daga. Einnig er hægt að skipta Netgíró greiðslum niður í raðgreiðslur. Hér eru nánari upplýsingar um Pei og Netgíró

Ef valin er millifærsla er nauðsynlegt að heildarupphæðin sé greidd inn á reikninginn sem gefinn er upp innan klukkustundar frá því að pöntunin er staðfest, annars fellur hún niður. Þegar pöntun hefur verið staðfest og greidd pökkum við henni og sendum samdægurs eða næsta dag.

Öryggi og trúnaður

Okkur þykir vænt um viðskipti þín og vonum að þú komir aftur og aftur að versla hjá okkur. Allar upplýsingar sem verða til við það að panta hjá okkur vörur, eru þín eign og við gefum þær ekki upp undir neinum kringumstæðum, hvorki til þjónustuaðila okkar eða þriðja aðila.

Lög og varnarþing

Ef þú ert ósátt við eitthvað í viðskiptum við okkur, þá viljum við að sjálfsögðu leysa málin. En ef allt fer á versta veg, þá er varnarþingið við Héraðsdóm Reykjavíkur. En ég hef enga trú á því að það þarfi að draga okkur þangað :-)

Endilega hafið samband ef eitthvað er óskýrt - hlökkum til að eiga áfram ánægjuleg viðskipti við ykkur! :)